انتي ولا شئ

موضوع: انتي ولا شئ الإثنين 18 أغسطس 2008, 12:22 pm

القصيده :انتي ولا شيّ

والله وصرتي تستهينين فيني

وانا الذي سويت لك قدر بيديّ

تدرين وش كنتي قبل تعرفيني ؟

ان قلت لك كنتي ولا حاجة شويّ

انا الذي فرشت لك رمش عيني

وعملت منك شي وانتي ولا شيّ

جيت اعشقك ما جيتك لك تحقريني

جيت اسكنك بسمة ما هو بسكنك غيّ

لا صرت عامل لك قدر قدريني

ترا الكرامة صفحة ما لها طيّ

ما دام ما جيتي غلا لا تجيني

نار الجفا عندي ولا الذل بالفيّ

والله لاهجرك قبل لا تهجريني

اجل تبيعيني واجيلك برجليّ

يا تتركين الكبر يا تتركيني

لأن المحبة شي والمهزله شيّ

إن كانت الدعوة غلاي وحنيني

يمكن يزول الحقد ويشعشع الضيّ

لكن حكاية ينحني لك جبيني

في ذمتي ما ينحني لك وانا حيّ

بقلم : حامد زيد

موضوع: رد: انتي ولا شئ الخميس 21 أغسطس 2008, 4:41 pm

صح لساناته و مشكور أختي دلوعة ابوي

موضوع: رد: انتي ولا شئ الخميس 21 أغسطس 2008, 5:10 pm

يسلمووووو بوسناتوو على المرور

موضوع: رد: انتي ولا شئ الخميس 21 أغسطس 2008, 9:27 pm

الله يسلمج و يخليك لأهلج دلوعه ابوي

موضوع: رد: انتي ولا شئ الجمعة 22 أغسطس 2008, 2:55 am

بو سنات كتب:: الله يسلمج و يخليك لأهلج دلوعه ابوي

تسلم بوسنات